राप्ती बृहत सांगीतिक सौगत भाग तीनको सम्पूर्ण तयारी पुरा

छुसकको पहिलो दिन अर्थात सेप्टेम्बर २३ मा हुने राप्ती बृहत सांगीतिक सौगतको सम्पुर्ण तयारी पुरा भएको आयोजकले जनाएको छ । सउलको दोङ्देमुन नजिक रहेको जुङ्गुग खुमिन हेग्वान सेन्टरमा हुने कार्यक्रममा नेपालबाट आएका कलाकारसँगै कोरियामै रहेका कलाकारहरुले आफ्नो प्रस्तुति दिनेछन् ।
‘सामाजिक कामका लागि हामीले यो प्रयास गरेका हौ । यसबाट उठेको रकमबाट एउटा अक्षयकोष खडा गर्ने हाम्रो प्रयास छ ।’ राप्ती समाज दक्षिण कोरियाका सचिब ओमलाल वलीले भने । ‘यसरी जम्मा भएको अक्षय कोषबाट समस्यामा परेकाहरुलाई सहयोग गर्ने लक्ष्य छ । हाम्रो लक्ष्यमा सफल हुन्छौ भन्नेमा ढुक्क छौ ।’ उनले थपे ।
कार्यक्रममा नेपालबाट गायक प्रमोद खरेल, डान्सर सुसान्त खत्री, हास्य कलाकार बुद्धी तामाङ, गायिकाहरु रजनी गुरुङ, भुमिका गिरी र सन्ध्या जाशी आउनेछन् । दक्षिण कोरियामै रहेका कलाकारहरु लोकेन्द्र चन्द, रमिला गौतम र भक्तराज भाटको प्रस्तुति रहनेछ ।
राप्ती सांगीतिक सौगतमा आएर मनोरञ्जनसँगै समाजिक सेवा पनि गरि दिन कोरियामा रहेका सम्पूर्ण नेपालीलाई आयोजकले आग्रह गरेको छ । उक्त संगीतिक कार्यक्रम सेप्टेम्बर २३ दिउँसो १ बाट सुरु हुनेछ ।