नेपाल तामाङ संघ दक्षिण कोरियाको अधिबेशन सम्पन्न, अध्यक्षमा मेघप्रसाद वाईवा
नेपाल तामाङ संघ दक्षिण कोरियाको आइतबार नवौ अधिबेशनले मेघ प्रसाद वाईवाको अध्यक्षतामा २१ सदस्यीय समिति गठन गरेको छ । सउलमा भएको उक्त कार्यक्रममा सबै पदाधिकारी सर्बसम्मत रुपमा चयन भएका हुन् ।
उद्घाटन सत्रलाई सम्बोधन गर्दै नेपाल आदिबासी जनजाति महासंघ दक्षिण कोरियाका कार्यवाहक अध्यक्ष मल्लिका थकालीले जनजातिहरु सबै क्षेत्रमा एक जुट हुन पर्ने बताइन । ‘हामी आफ्नो अधिकारको लागि आफै लड्नु पर्छ । त्यसैले जहाँ जसरी भए पनि आफ्नो पहिचान, भाषा संस्कृतिका सचेत हुने काम धेरै राम्रो हो ।’ उनले भनिन् ।
त्यस्तै नेपाल तामाङ संघ दक्षिण कोरियाका निर्वतमान अध्यक्ष उइनासिं वाईवाले धेरै अप्ठ्याराहरुलाई खेपेर संगठनलाई यो अबस्थामा ल्याई पुर्याएको र अब चुनिएको कार्य समितिले तामाङ संघलाई अझ उचाईमा लैजाने विस्वास ब्यक्त गरे । कार्यक्रममा बिभिन्न संघसंस्थाका प्रतिनिधिहरुले शुभकामना दिएका थिए । कोरियामा रहेका तामाङ गायकहरु बाबुलाल मोक्तन बिएल, अमन थिङ, भवःश्वी बोमजन र युनिक दोङलाई सम्मान पनि गरिएको थियो ।
संघको नव गठित समितिमा बरिष्ठ उपाध्यक्ष रबि लामा, उपाध्यक्ष सरिता लोप्चन, स्नेहा लामा र बुद्ध लामा रहेका छन् । त्यस्तै महासचिवमा गोकुल थोकर, सचिवमा फुर्बा तामाङ, अमिर तामाङ, दुध लामा र कमला तामाङ रहेका छन् । संघको कोषाध्यक्षमा मनोज कुमार वाईवा र सहकोषाध्यक्षमा युनिक दोङ निर्वाचित भएका छन् । सदस्यहरुमा प्रेम तामाङ, भरत बोम्जन, सुरेश थोकर र ओम तामाङ रहेका छन् । संघको प्रवक्तामा राजिब घिसिङ र संरक्षकमा सोम लामा रहेका छन् ।
हामीले बाँकी सदस्यहरुलाई छिट्टै चयन गर्छौ । दक्षिण कोरियामा रहेका जुझारु तामाङहरुलाई समेट्ने प्रयास हुनेछ । नवनिर्वाचित अध्यक्ष मेघ प्रसाद वाईवाले भने ।
