काेरियामा बुद्द प्रतिमा स्थापना अभियान सचिवालयले अभियानकाे बारेमा बृस्तित जानकारी दिन पत्रकार सम्मेलन गर्ने।
नेपाली सम्पर्क समिति काेरियाकाे संयाेजन तथा नेपाल बाैद्द परिवारकाे सहकार्यमा काेरियामा स्थापना गर्न लागिएकाे बुद्द प्रतिमा स्थापना अभियानकाे बारेमा अहिले सम्म भएका प्रगतिकाे बारेमा जानकारी दिनकाे लागि सचिबालयले पत्रकार सम्मेलन गर्ने भएकाेछ।
यहि अाउने मार्च ४ तारिख आइतबार मध्यान्ह १२ बजे दोङ्देमूनको लुम्बिनी रेष्टुरेन्टमा हुने पत्रकार सम्मेलन मार्फत बुद्ध प्रतिमा स्थापना अभियानको अहिले सम्म भएका प्रगति विवरण र आगामी कार्यक्रमका विषयमा जानकारी दिने सचिवालय समितिले जनाएको छ ।
बुद्धको जन्मस्थल बारे कोरियामा व्याप्त भ्रम चिर्न र नेपालकाे पर्यटनलार्इ समेत प्रचार प्रसार गर्न भन्दै नेपाली सम्पर्क समिति एनसिसिको संयोजन र नेपाल बौद्ध परिवार काेरियाकाे सहकार्यमा योङ्इन शहरस्थित पर्यटकिय गुम्बा वाउजङ्सा गुम्बामा नेपालबाट बुद्धको प्रतिमा ल्याएर प्रतिश्थापन गर्ने अभियान शुरु भएको हो । अभियान शुरु भएको महिनौ वितिसक्दा अभियानका लागि व्याक्ति र संघ संस्थाबाट आर्थिक सहयोग गर्ने क्रम पनि जारी छ । झण्डै चार करोड वोन लाग्ने अनुमान गरिएको प्रतिमा अभियान अन्तरगत अहिले सहयोग रकम संकलन र बुद्धको मुर्ती निर्माण कार्य नेपालमा भइरहेको छ । मे महिनामा हुने बुद्ध जयन्तीको अवसरमा बुद्धको मुर्ती कोरियामा नगर परिक्रमा गराएर गुम्बामा प्रतिस्थापन गर्ने कार्यक्रम पनि छ ।
सचिवालयले ४ तारिख पत्रकार सम्मेलन मार्फत अहिले सम्म भएका कार्य प्रगति र अभियानका बारेका विविध जिज्ञासाको जवाफ दिने बताएको छ । सो दिन उपस्थित भएर आफ्ना जिज्ञासा र अभियानका बारे विस्तृत जानकारी लिन समितिले कोरियामा रहेका व्यावसायि, पत्रकार, वुद्धिजिवी, विद्यार्थी, संघसंस्था, समूह लगायत सम्पुर्ण नेपालीलाई आह्वान गरेको छ ।
मितिः२०१८–०३–०४ आइतबार
समयः मध्यान्ह ठिक १२ बजे
स्थानः लुम्बिनी रेष्टुरेन्ट, दोङ्देमून
