पुर्वाञ्चल सराेकार मञ्च काेरियाका अध्यक्ष काजी नेपालकाे नेपाली समुदायमा हार्दिक अपिल।
विश्व शान्तिका अग्रदूत भगवान गौतम बुद्धको जन्म नेपालको लुम्बिनीमा भएको हो । संसार बुझ्न र ज्ञानको खोजीमा दरबार छोडेर निस्किएका सिद्धार्थ गौतमले कठोर तपस्या गरे पछि उनमा अदभुत् ज्ञान (बुद्धत्व) प्राप्त भयो । बुद्धले विश्वभरि शान्ति र अहिंसाको सन्देश फैलाए । बुद्धको जन्म स्थल नेपालको लुम्बिनी अहिले अर्बौं बुद्धिष्टहरुको आस्थाको केन्द्र बनेको छ । अहिले उनका अनुयायीहरु विश्वभरि छन् । उनलाई शान्तिका अग्रदूत भगवानको रुपमा पूजा गरिन्छ ।
गौतम बुद्धको जन्मस्थल लुम्बिनी नेपाल लगायत संयुक्त राष्ट्रसंघ र भगवान बुद्धलाई मान्ने विश्वका धेरै देशहरुमा बुद्ध जयन्ती धूमधामका साथ मनाईन्छ । सत्य यो छ की गौतम बुद्धले बुद्धत्व प्राप्त गरेको, ज्ञान बाडँको र उनले मृत्युवरण गरेको पनि सोहि दिन पर्छ । गौतम बुद्धको जन्मस्थानको विषयलाई लिएर संसारभर विभिन्न किसिमका झुटा अफवाह ( झुटा बहस / भ्रम ) समेत हुने गरेका छन् ।
त्यसर्थ, भगवान बुद्धको जन्मस्थल नेपालको लुम्बिनी,उनले प्राप्त गरेको बुद्धत्व लगायतका विषयहरुलाई छर्लङ/ प्रष्ट पार्ने उद्धेश्य सहित लुम्बिनी अर्थात नेपाललाई विश्वभर स्थापित( चिनाउने/ पहिचान) गर्ने उद्धेश्यका साथ नेपाली सम्पर्क समिति कोरियाको आयोजना र बौद्ध परिवार कोरियाको सहकार्यमा नेपाल बाट ८ फिट अग्लो बुद्धको प्रतिमा ल्याएर नेपालको झण्डा फहराउदै कोरियाको सिओल स्थित मुख्य शहरको परिक्रमा पश्चात कोरियाको योङइन स्थित प्रसिद्ध वाउछ्ङ्सा गुम्बामा बुद्ध प्रतिमा स्थापना गर्ने यस महान र पवित्र कार्यको अभियानमा आफुले गर्न सक्ने आर्थिक, भौतिक र नैतिक सहयोग गरिदिनु हुन कोरिया बासि सम्पूर्ण नेपाली दाजुभाई तथा दिदिवहिनिहरूमा हार्दिक अनुरोध गर्दछौ ।
विभिन्न किसिमका भ्रमहरू चिर्नको लागि नेपालमा पनि भगवान बुद्धले दिएको दर्शन तथा उनको दर्शन संग विशेष दख्खल राख्ने अध्ययेताहरू र उनको विश्वभर चम्किएको व्यक्तित्वलाई थप उजागर गर्ने उद्धेश्यका साथ अन्तर्राष्ट्रिय बुद्ध सम्मेलन नेपालको लुम्बिनीमा हुदै आएको छ ।
काजी नेपाल
अध्यक्ष, पुर्वाञ्चल सराेकार मञ्च काेरिया।
