मृतक नेपाली कामदारका परिवार न्याय माग्दै कोरियामा
सोल ,
दक्षिण कोरियाको ख्यंगपुक गुनउई स्थित बंगुर फार्ममा काम गर्नेक्रममा मृत्यु भएका स्याइ०जा जिल्लाका तेज बहादुर गुरुइ०को दाई बल बहादुर गुरुइ० न्याय माग्दै दुई महिनादेखि कोरियामा छन् । साहुका लापरवाहीका कारण भाईको मृत्यु भएको भन्दै उचित क्षतिपुर्तीको माग सहित मुद्या दर्ता गरी कानुनी लडाइ लडिरहेका छन् बलहादुर । गत मे १२ तारिख बंगुरको दिशाको ट्यांकी सफा गर्नेक्रममा हानिकारक ग्यासका कारण २५ वर्षिय तेज र छविलाल चौधरीको निधन भएको थियो ।
न्याय पाएपछि भाईको शब लिएर नेपाल फर्कने इच्छा भने उनको अपुरै रहयो । मुद्याा धेरै लम्बिने भएकाले जुलाई १७ तारिख नै मृतकको शब नेपाल पठाइसकेको छ । हाल थेगु नेपाली सेल्टरमा आश्रित रही न्याय फर्खिरहेका मृतकका दाई बल बहादुरले बताए । उचित क्षतिपुर्तीको माग गर्दै मुद्या दर्ता गरएका ध्यांगसांग माइग्रेन्ट सेन्टर र मजदुर युनियनको निमण्त्रणामा उनी कोरिया आएका हुन् ।
साहुले विना सुरक्षा जोखिम पुर्ण काम जबरजस्ती गर्न लगाएकोले गुरुइ०को निधन भएको भन्दै उचित क्षतिपुर्ती र साहुलाई जेल सजायको माग सहित मुद्या चलिरहेको प्रवासी मजदुर युनियनका अध्यक्ष उदय राईले बताए । मृतकको परिवारलाई (औधोगिक दुर्घटना बाहेक ) थप क्षतिपुर्ति वापत १० करोड वन (लगभग रु. १ करोड ) दिनुपर्ने माग राखेको पनि अध्यक्ष राईले थपे । मजदुर युनियनले दोषी कम्पनी मालिकलाई कडा कारवाही , उचित क्षतिपुर्ती र यस्तो घटना नदोहोरिन सरकारबाट उचित कडा कानुन लागु गर्नुपर्ने माग गर्दै गुनउइ प्रहरी कार्यलय र कम्पनी अगाडी धर्ना तथा रयाली गरी दवाबमुलक कार्यक्रम गर्दैआएका छन् ।
ट्यांकीबाट निस्कने हानिकारक ग्यासको कारण मृत्यु भएको र कम्पनीले सुरक्षा सम्बन्धी १८ वटा कानुन उलंघन गरेको प्रमाणित भएता पनि कम्पनी मालिकले सो अभियोगलाई अस्विकार गर्दै मृतककै गल्ती भएको भन्दै उल्टै मुद्या दर्ता गरेको अध्यक्ष राईले बताए । गुरुइ० संगै मृत्यु भएका चौधरीको परिवार भने मुद्यामा सामेल छैनन् ।
कम्पनी सुरक्षा सम्बन्धी कानुनमा उल्लेख गरिए अनुसार कुनै बन्द वा हावा नचल्ने ठाउँमा काम गर्दा कम्पनीले सुरक्षाको व्यवस्था गर्नुपर्ने हुन्छ । त्यसैले बंगुरको फोहोर
बाट आउने हानिकारण ग्यास भएको ठाउँमा काम गर्दा ग्यासको फैलावट मापन गर्नुपर्ने र सुरक्षाको लागि मास्क लगायत सामग्री दिनपर्ने हुन्छ । तर कतिपय ठाउँमा सुरक्षाको व्यवस्था नगरिएको र सरकारबाट पनि कडाई साथ अनुगमन नगरिएको मजदुर युनियनको भनाई छ ।
