भुकम्पमा परी ओएनएफ कोरियाका सदस्य छिरिङको मृत्यु
फोनिज कोरिया संवाददाता सोल-बैशाख १२ गते दिउसो गएको महाभुकम्पमा परि ओएनएफ कोरिया थेगु क्षेत्रीय कमिटिका सदस्य छिरिङ स्याङबा तामाङको दुखद निधन भएको छ ।
मृतक तामङका आफन्तले दिएको जानकारी अनुसार ६ महिना अगाडी परिवारसङगै बस्ने गरि कोरियाबाट नेपाल गएका छिरिङ स्याङ्बा तामाङ भुकम्प आएको पहिलो दिन बैशाख १२ गते बिहानै ६ बजे आफ्नो भाइसंग रसुवाको मुलुङ हाइड्रो पावरमा कामको लागि गएका थिए ।
प्रकृतिको निर्दयी महाभुकम्पमा परि दैबले दुबै दाजु भाइले हाइड्रो पावरको कार्यस्थलमै ज्यान गुमाएका छन ।ओएनएफ कोरियाका अध्यक्ष गोबिन्द गाउँलेका अनुसार छिरिङ स्याङबाका एक मात्र नाबालक छोरा र एक श्रीमती छन भने उन्का भाइको चार सन्तान रहेका छन। छिरिङका भाइ रसुवाको मुलुङ हाइड्रो पावरमा सवारी चालकको काम गर्दै आएका थिए भने छिरिङ लामा चाही कोरियन भाषामा दक्ष भएको हुनाले दोभाषेको रुपमा कार्यरत थिए ।
छिरिङ दाजुभाइ त्यो दिन घरमै बसेको भए असामयिक निधन हुने थिएन । तर उनिहरु जागिरे भएको कारण दुबैजना सधै झै नियमित डिउटीमा निस्किएको बताइएको छ ।ओएनएफ थेगुका नेत्र दुलालका अनुसार छिरिङ सङठनका एक हनोहार सिपाही भएका र उन्को असल मिजास र सरल पनका कारण कोरिया प्रबासमा पनि सबैका प्रिय थिए ।
ओएनएफले भुकम्प आएको यस महिनाभर शोक मनाउने जनाएको छ । उस्ले आफ्ना कुनै पनि सार्बजनिक भेला र सचिबालय बाहेक केन्द्रका नियमित मिटिङहरु नगर्ने कुरा यस अघि नै बताइ सकेको छ ।
फोनिजकोरियासंग कुरा गर्दै ओएनएफ अध्यक्ष गाउँलेले आफ्ना सदस्य छिरिङ र अन्य सदस्यका आफन्तहरु यो महाभुकम्पमा गुमाउनु पर्दा
आफु स्तब्ध भएको जनाएका छन ।
साथै उनले मृतक छिरिङ प्रती स्रद्दान्जली ब्यक्त गर्दै छिरिङका आफन्त जनलार्इ यो शोकको घडिमा धैर्य धारण गर्ने शक्ती मिलोस भन्दै समबेदना प्रकट गरेका छन ।
