प्रत्यक्ष गायनमा रमे गुल्मेली तिज
सुवन
समस्त हिन्दु नारीहरुको महान चाड हरितालिका तीजको अवसर पारेर कोरियामा रहेका गुल्मेली हरुले भब्य रुपामा तीज पर्व मनाएका छन् । कोरियाको राजधानी सोल देखि करिब एक सय किलोमिटर टाढा सुवन सहर स्थित नारायणी प्यालेस नेपाली रेस्टुरेन्टमा आयोजना गरिएको उक्त तीज बिसेष कार्यक्रममा कोरियामा रहेका उल्लेखनीय नेपाली हरुको सहभागिता रहेको थियो ।
दिउसो १ बजे देखि सुरु भएको उक्त तीज बिसेष कार्यक्रममा चरित्र बिष्ट ,रमिला गौतम ,तारा तिर्सना लगाएतका कलाकारहरुले आफ्नै मौलिक शैलीमा तीज गीत गाएर उपस्थित सबैलाई भरपुर मनोरंजन प्रदान गरेका थिए । कार्यक्रममा महिलाभन्दा बढी पुरुषको उपस्थित रहेता पनि रमिते पुरुष कमै थिए । सबैले नाचेर महिलाहरुलाई साथ दिएका थिए । पश्चेमी भाका घन्काउदै महिला र पुरुष कलाकारको दोहोरी चल्दा नेपालकै झल्को दिलाएको थियो ।
सोही अबसरमा कोरियाको बसाइ अबधि समाप्त गरि नेपाल फर्किने क्रममा रहनु भएका गुल्मी सम्पर्क समितिका निबर्तमान बरिष्ठ उपाध्यक्ष रोशन कुमार पौडेल तथा निबर्तमान सचिब उपेन्द्र अर्याललाइ सम्मान समेत गरिएको थियो ।
कार्यक्रम अत्यन्तै भब्य र एतिहासिक भएको आयोजक कमिटि गुल्मी सम्पर्क समिति तथा पुर्कोट घर दक्षिण कोरियाले जनाएको छ । कार्यक्रमलाइ सभ्य र भब्यरुपले सम्पन्न गर्नको निमित्त सहयोग पुर्याउनु हुने सम्पूर्ण नेपाली समुदायलाइ आयोजक कमिटीले बिसेष धन्यवाद प्रकट गरेको छ ।
