परोपकारी कार्यमा सक्रिय चन्द्र लामा अनुराग
सउल
रोजगारीका लागि दक्षिण कोरिया रहेका एक युवाले मिनी नोदंग्बू (जब सेन्टर) को परिचय बनाएका छन् । कम्पनी परिवर्तन गर्ने धेरै नेपालीहरुको लागि सहयोगी बनेर चन्द्र लामा अनुरागले सो परिचय बनाएका हुन् ।
परोपकारी कार्यमा सक्रिय लामाले कम्पनी परिवर्तन गर्ने ,कम्पनीमा पिडित भएका नेपालीलाई सहयोग गर्ने कार्य गर्दै आएका छन् । इ ७ भिषामा कार्यरत लामाले धेरै नेपाली कामदारलाई उद्धार पनि गरेका छन् । हेटौंडा घर भएका लामाले कार्यरत कम्पनीमा माथिल्लो कामदारको हैसियत बनाएका छन् ।
निरन्तर सामाजिक कार्यमा सक्रिय लामाले भने ( धेरै कम्पनीका साहुहरुसंग सम्पर्क रहेको कारण कम्पनी परिवर्तन गर्ने नेपालीहरुलाई कार्यस्थल परिवर्तन गर्न सहयोग गर्न सहज भएको छ । उनका अनुसार दैनिक १० जना भन्दा बढीले कामका लागि उनलाई फोन गर्ने गरेका छन आफ्नो सम्पर्कमा आएका धेरैलाई रोजगारीको लागि पहल गरेको उनले बताए ।
लामाको सक्रियतामा थेगुमा व्यवस्थित शेल्टर पनि संचालित छ । थेगुमा संचालित शेल्टरमा लेडिजको लागि छुट्टै एउटा कोठाको व्यवस्था गरिएको छ । दक्षिण कोरियामा रहेका धेरै पुरुष सेल्टरहरु मध्ये महिलाहरुको लागि छुट्टै कोठाको व्यवस्था गरिएको सम्भवत यो नै पहिलो शेल्टर हुनसक्छ । महिला र पुरुष गरि ५० जना बढीको क्षमता भएको सो शेल्टरमा आर्थिक सहायता पनि लामाले गर्दै आएका छन ।
थेगु नेपाली सेल्टरका संयोजक रहेका लामा नेपाली साहित्य समाज दक्षिण कोरियाका सल्लाहकार पनि हुन् । गीतकार र मोडेल समेत रहेका लामाले मेट्रो ट्रेन बोलको गितमा अभिनय गरेका छन् । सेवक नेपालको अभियन्ता समेत रहेका लामा थेगु हुमन राइट्सको सदस्य पनि हुन् ।
