देखाउनु त पर्छ तर कला देखाउने हो – गायिका ज्योति मगर

रोल्पाको नुवागाउँमा जन्मिएकी ज्योति मगर आठ कक्षासम्म रोल्पामै पढेपछि दाङ झरिन् । एसएलसी पास नगर्दै लोकगीत गाउन बुटवल, भैरहवा, धनगढीजस्ता सहर पुगिसकेकी थिइन् उनी । एसएलसीपछि परिवारलाई ढाँटेर काठमाडौँ आइन | त्यस पछि ज्याठास्थित सोल्टिनी दोहोरी साँझमा गाउन शुरु गरिन | त्यहि ताका टुबोर्ग राष्ट्रिय दोहोरी गीत प्रतियोगितामा ज्योतिले भाग लिइन् । उनको टिम सेमिफाइनलबाट बाहिरियो तर उनले बेस्ट सिंगरको उपाधि जितिन् | त्यस पछि ज्योतिले ‘’मन किन टाढा भो” बोलको गीत रेकर्ड गरिन तर चलेन | ०६८ सालमा ‘उही मूलाको सिन्की…’ बोलको गीत हिट भएपछि ज्योतिको व्यस्तता बढ्यो | अहिलेसम्म दर्जन भन्दा बढी देशहरुमा आफ्नो कला देखाउन पुगी सकेकी ज्योतिको ‘जिम्माल बाकी कान्छी छोरी…’, ‘पिरतीमा दम छ…’ बोलका गीतहरु पनि हिट गीतमा गनिन्छन | केही समय अघि ‘ढाडे बिरालो…’ बोलको म्युजिक भिडियोसम्म अभिनय गरे पछि रातारात चर्चा र बिबादमा आईन |अहिलेसम्म दुई दर्जन जति गीतमा स्वर भरेकी ज्योति देश विदेशमा हुने कन्सर्टमा जाने गायिकामा अहिले पहिलो नम्वरमा पर्छिन | बर्तमान नेपाली संगीतको स्थिति र उनिको बारेमा फैलाईएको हल्ला बारे एक कन्सर्टको शिलशिलामा कोरिया आएको मौकामा फोनिजकोरियाको लागि निश्चल काउचाले ज्योतिसंग गरेको कुराकानी :-

 

 

 

तपाई गायिका की मोडेल ?

 

 

गायिका नै भन्नु पर्यो |

 

 

चर्चामा आईरहनु हुन्छ नी ?

 

 

हाहाहा ….हो र धन्यवाद

 

 

तपाईका आलोचकहरुले तपाई प्रति गरेका कडा टिप्पणी देख्दा कस्तो लाग्छ ?

आलोचना कसले गर्यो भन्ने कुरा मुख्य हो | त्यस माथि पनि सकारात्मक या नकारात्मक टिप्पणी गर्यो तर पनि म कुनै पनि टिप्पणीलाई सिरियस्ली लिन्न |

 

 

ज्योति मगरले लोक दोहोरी क्षेत्रमा बिकृति ल्यायो भन्छन नी ?

 

 

ए हो र ? यसलाई बिकृति भन्न मिल्दैन | परिवर्तन गरेको भन्नु पर्छ |

आजकल त की रेखाको चल्छ की देखाको चल्छ भन्छन |अब नेपालमा अलिकति नदेखाएसम्म , गल्यामर नबनेसम्म चल्न गाह्रो भएको हो ?

 

 

देखाउनु त पर्छ तर कला देखाउने हो |

तपाईका केही म्युजिक भिडियोहरु त अस्लिल खालका छन् नी | यस्ता भिडियोहरु नेपाली समाजले पचाउन सक्छ त ?

 

 

 

मलाई त्यस्तो लाग्दैन | जेनेरेसन भन्ने कुरा परिबर्तन हुदै जान्छ |

तपाईको गीतको थिम र म्युजिक भिडियोको थिम मिल्दैन नी है ?

 

 

 

त्यस्तो होईन | मैले नेपाली कला सस्कृति झल्काउने गीतहरु पनि छ | जस्तो की ” टिप्न सकिन खाईन बरिलै ” , ”सारी किनियो चोली किनियो ” फुल सारीमा छ | यो आरोप मात्र हो | कुन गीतमा मिलेको छैन | ”उही मुलाको चाना ” देखी ”जिम्वाल बाउ छोरी” सबैमा मिलेकै छ |

तपाईको ”रातो सारी रातै छ कलर, एक रात सुत्न एक हजार डलर” बोलको गीत बजारमा आउदै छ भन्ने पनि सुनिन्छ नी ?

यो सरासर गलत हो | यो मलाई गिराउन चाहनेहरुले बनाएको फेक न्युज हो | मलाई  यस्ता वाईयात हल्लाहरुले फरक पार्दैन |

 

गाएर बाच्न सक्ने स्थिति छ ?

संगीत भनेको सरस्वतीको देन हो | धेरै ठुलो आकांक्षा नराखेर यो क्षेत्रमा लाग्ने हो दुई छाक खान र नर्मल लाईफ बाच्न सकिन्छ |

हट गायिका पर्नु भो | फ्यानहरु त टन्नै होलान नी ?

 

 

सरसर्ती हेर्दा केटाहरु धेरै भए जस्तो देखिन्छ तर केटीहरु नै बढी छन् जस्तो लाग्छ मलाई | त्यस माथि पनि योङ्ग केटीहरु बढी छन् जसले म पनि ज्योतिजी जस्तै बन्ने सपना देख्छन |

प्रेम प्रस्ताव राख्नेहरु पनि होलानी नी ?

 

 

त्यो त भई हाल्छन हाहाहा …..योङ्ग छु | राम्री छु |

बिवाह कहिले गर्ने ?

केटा पाए पछि हाहाहा….

साईत नजुरेर हो ?

त्यस्तै भन्नु पर्यो |

अब तपाईको नयाँ एल्वम पनि आउदै छ की ?

चाडै नै ”जालीरुमाल” आउदै छ |

 

 

लोक दोहोरी क्षेत्रमा आउन चाहने युवा पिढीलाई के बन्नु हुन्छ ?

लोक दोहोरी क्षेत्रमा मात्र होईन आधुनिक , पप जुन सुकै क्षेत्रमा आउन चाहे पनि लगनशिलता , धैर्यता र कला हुनै पर्छ |

अन्त्यमा केही भन्न चाहनु हुन्छ ?

 

 

मेरो गीत सुनेर मलाई माया गर्ने हुने सम्पूर्ण देश विदेशमा हुनुहुने दाजु भाई , दिदी बहिनीहरुलाई थ्याङ्क्यु भन्न चाहन्छु र आगामी दिनहरुमा पनि यसरी नै माया गर्दिनु होला | नेपाली गीत संगीत सुन्दिनु होला |