कोरियामा यो वर्ष आत्माहत्या गर्ने नेपालीको संख्या ६ पुग्यो
सउल
मंगलबार साझ अचानक हावा जस्तै फैलिएको एक समाचारले दक्षिण कोरियामा नेपाली समुदायलाई स्तब्ध बनायो । विश्वासै गर्न नसकिने त्यो समाचार थियो एक रेष्टुरेन्ट व्यवसायी तथा समाजसेवी मनोज ढांगीको आत्मा हत्या ।
यो समाचारसंगै कोरियामा यो वर्ष (2016) अहिलेसम्म आत्माहत्या गर्नेको संख्या ६ पुगेको श्रमसहचारी देवराज ढकालले जानकारी दिए । यो वर्ष कोरियामा मृत्यु हुने नेपालीहरुमध्ये अहिलेसम्म आत्माहत्या गर्नेको संख्या सबैभन्दा बढी देखिएको छ ।
कोरियामा सोमबार र मंगलबार लगातार २ जनाको निधनले यो वर्ष (2016) अहिलेसम्म मृत्यु हुने नेपालीको संख्या १५ जना पुगेको छ । यसै साता सोमबार इपिएसबाट कोरिया आएको ३ महिना मात्र पुगेका तेह्रथुम जिल्लाका दुधराम लिम्बुको सुतेकै अवस्थामा मृत्यु भएको छ । यसरी सुतेकै अवस्थामा मृत्यु हुने कामदारको संख्या ३ जना पुगेको छ । गत वर्ष (2015) आत्माहत्या गर्नेको संख्या ९ जना रहेको छ । सन २००७ देखि हालसम्म कोरियामा विभिन्न कारणले मृत्यु हुने नेपालीको संखया १ सय ७ पुगेको कोरिया स्थित नेपाल राजदुतावासका श्रमसहचारी देवराज ढकालले जानकारी गराए ।
त्यस्तै सडक दुर्घटनामा २ जनाको मृत्यु भएको छ । एक जनालाई कारले ठक्कर दिएर मृत्यु भएको थियो भने अर्कोजना आफै सवार मोटर दुर्घनामा परी ज्यान गएको थियो । त्यस्तै औधोगिक दुर्घटनामा परी २ जनाको ज्यान गएको छ । हृदयघातबाट एक जनाको मृत्यु भएको छ भने बैवाहिक भिषामा आएकी एक महिलाको वोन म्यारोका कारण मृत्यु भएको छ । ति महिलाको शबलाई कोरियामै अन्त्यष्टी गरिएको थियो ।
यो भन्दा पहिला इपिएसबाट कोरिया आएका कामदारले आत्माहत्या गरेको समाचार बन्दै आए पनि यसपाली भने पहिलो पटक व्यापारीको नाम आएको छ । यो अपत्यारिलो व्यावसायीको आत्माहत्या घटनाले कोरियावासी नेपालीहरुलाई सबैभन्दा बढी आश्चार्य र जिज्ञाशु बनाएको छ । कतिलाई विश्वासै गर्न नसकी हत्या होकी भन्ने आशंका पनि उब्जाएको छ ।
यो भन्दा अघिसम्म कोरियामा आत्माहत्या गर्ने नेपालीहरु सबै कामदार थिए । त्यसैले कोरियामा काम गर्दा हुने दुरव्यवहार, घर परिवार, प्रेम , उमरेको अपरीपक्कता जस्ता विभिन्न मानसिक्ताका कारण आत्माहत्या बढेको अनुमान सबैले गरे पनि यसपाली भने अन्तराष्ट्रिय नेपाली साहित्य समाज दक्षिण कोरियाका अध्यक्ष तथा समाजसेवी समेत रहेका डांगीको आत्माहत्याले झन आश्चार्यचकित पारेको छ ।
