किरात राई यायोक्खाले आगामी आइतबार चियापान गर्ने
फोनिज कोरिया संवाददाता
सउल
किरात राई यायोक्खा दाक्षिण कोरियाले गर्न लागेको “सुम्निमा सांगितीक सौगात भाग – ३ ” नामक कार्यक्रमबारे प्रचारप्रसार हेतु यही डिसेम्बर २५ तारिक आईतबार सउलमा चियापान कार्यक्रम गर्ने भएको छ ।
सो सांगीतिक कार्यक्रमलाई सफल बनाउन कोरियामा रहेका सबै संघ संस्था र बिभिन्न पेशामा आबद्द नेपालीहरु बीच आपसी समन्वयात्मक भूमिका कायम गर्न भेट घाट तथा चियापान कार्यक्रमको आयोजना गर्न लागेको हो । आगामी जनवरी १ तारिक गर्ने भनी पत्राचार गरेता पनि उक्त दिन धेरै वटा कार्यक्रम जुधेकाले डिसेम्बर २५ तारिक गर्न लागेको हो ।
तुङ्गदेमुन स्थित लक्ष्मि रेष्टुरेन्टमा कार्यक्रम गरिने भएको छ । प्रवासमा आपत विपत परेको नेपालीलाई सहयोग गर्ने उद्देश्यले दिर्घकालिन तथा ब्यवस्थित सुम्निमा घर (सेल्टरं) निर्माण सहयोगार्थ सो सांगीतिक कार्यक्रम आयोजना गर्न लागेको आयोजकले जनाएको छ ।
समयको अभावले पुनः पत्राचार गर्न नसकेकोले यसै समाचार लाई आधार मानि कोरियामा रहेका बिभिन्न संघ संस्थाका प्रतिनिधि, मजदुर, बिद्यार्थी, पत्रकार, ब्यापारी बुद्दिजीबी, महिला लगायत बिभिन्न पेशागत नेपालीहरु उक्त कार्यक्रममा उपस्थित भाई दिनुहुन संस्थाका अध्यक्ष बालकृष्ण राईले हार्दिक अनुरोध गरेका छन।
कार्यक्रम मिति :- २५ डिसेम्बर २०१६
स्थान :- तुङ्गदेमुनको लक्ष्मि रेष्टुरेन्ट
समय :-ठिक ११ बजे
