परिश्रम र प्रतिभाका पर्यावाची क्रिश गुल्मेली बाबु

दक्षिण कोरिया,
उनी गुल्मीमा जन्मे, हुर्के । आफु जन्मेको थातथलो माया नलाग्ने त कुरै भएन । त्यसैले आफ्नो गाउँको नामलाई चिनाउन उनले आफ्नो नाम नै परिवर्तन गरे, क्रिश गुल्मेली बाबु । उनको बास्तविक नाम केपी अर्याल हो तर क्रिश गुल्मेली बाबुको उपनामबाट चिनिन्छन् उनी ।

अरुको गीत, गजल र मुक्तकहरु पढ्ने क्रममा उनलाई पनि साहित्य सिर्जना गर्न रहर जाग्यो । गजल, मुक्तकसँगै गीत लेखनमा लागेका गुल्मेली बाबुको पहिलो गीत ‘ओखर काँचो छ’ ले नेपाली सांगीतिक आकाशमा क्रिश गुल्मेली बाबु भनेर चिनाएपछि उनले अरु थुप्रै गीतहरु लेख्दै गए । उनको ‘पैसा’, ‘प्रियसीको यादमा’ जस्ता गीतहरु चर्चित भएपछि उनी गीतकार मात्र होइन कलाकारको रुपमा समेत चिनिन थाले । आफ्ना केही गीतमा संगीत गर्नुका साथै मोडलिङ समेत गरेका छन् । ‘मोडलिङ गर्नु रहर थियो आफ्नै गीतबाट त्यो रहर पनि पुरा गरें’, गुल्मेली बाबु भन्छन्, ‘अरुको गीतमा पनि अफर आयो भने गर्छु ।’

दर्जन भन्दा बढी गीत लेखिसकेका गुल्मेली बाबु चाँडै अरु गीत पनि रेकर्ड गर्ने तयारीमा छन् । गीतिसंग्रहका साथै गजल र मुक्तक संग्रह पनि निकाल्ने सोचमा रहेका क्रिश गुल्मेली बाबु भविष्यमा गीत संगीतलाई नै बढी जोड दिएर अगाडि बढाउने बताउछन् ।

समय मिल्नसाथ साहित्यिक सिर्जना गर्ने उनलाई काम गर्दा पनि बढि जसो मुक्तकहरु नै दिमागमा आउछन् । ‘फुर्सद मिल्नसाथ लेखीहाल्छु । त्यसैले मेरो गोजीमा काम गर्दा होस वा त्यतिकै बस्दा कापीका पाना र कलम साथमै हुन्छ’, उनी सुनाउँछन् ।

उनका अनुसार नेपालमा लेख्नको लागि प्रसस्त समय हुन्छ तर दिमागमा कम मात्रामा शब्दहरु फुर्छन् । कोरियामा काममा व्यस्त भइन्छ, त्यहि ब्यस्ततासँगै सिर्जना पनि उकुसमुकुसिरहेका हुन्छन् । किनकी प्रवासमा हुँदा जतिको पिँडा, तनाब आफ्नो देशमा महशुस हुँदैन । त्यहि पिँडा, तनाब र भोगाइ नै सिर्जना भएर प्रस्फुटन हुने हो । वास्तवमा प्रवासको दुख पिँडाले नै मान्छेलाई हरेक कुरा सिकाउने रहेछ ।

उनको बुझाइमा कोरियाले काम मात्र दिएको छैन, सामाजिक क्रियाकलापमा लाग्ने प्रेरणाका साथै सिर्जना गर्ने राम्रो वातावरण दिएको छ । उनी अगाडि थप्छन्, ‘कोरियाको हरेक कुरा मलाई राम्रो लाग्छ । यहाँको रहनसहन, खानपान, समयको महत्व, आफ्नो जीवनयापनको लागि आफैंले सक्दोसम्म गर्नुपर्ने मेहनत, काम, अनुशासन, भेदभाव र जातपातरहित समाज हरेक पक्ष राम्रा छन् । कोरियाले मुख्य त हामी युवाहरुलाई मेहेनत गर्न सिकाएको छ । दुख कष्ठ आफ्नै ठाउँमा छन् । तिताक्षणहरु पनि धेरै छन् तर त्यहि तिताक्षणहरुले वास्तवमा मान्छेलाई जिउन र परिश्रम गर्न सिकाउदो रहेछ ।’

नेपालमा हुँदा घरपरिवारसँगै कृषिपेशाका साथै विद्यालयमा पढाउने काम गर्दागर्दै वैदेशिक रोजगार प्रणाली (इपिएस) मार्फत् छ वर्ष अघि कोरिया आएका गुल्मेली बाबु कोरियामा कामको अलावा साइड बिजिनेश र विभिन्न सामाजिक संघसंस्थामा आवद्ध छन् । विगत पाँचवर्षदेखि कोरियामा रहेको गुल्मेलीहरुको छाता संगठन गुल्मी सम्पर्क समितिमा आवद्ध भइ अहिले उपाध्यक्ष पद सम्हालिरहेका क्रिश गुल्मेली बाबु हाल अन्तर्राष्ट्रिय नेपाली साहित्य समाज (आनेसास) कोरिया च्याप्टरको वर्तमान अध्यक्ष हुन् ।

दक्षिण कोरियाको ख्यङगीदोको याङजुमा कार्पेट, टाइल्स कम्पनीमा कार्यरत छन् । ‘सुरुदेखि नै एउटै कम्पनीमा भएर होला काम त्यति गाह्रो छैन’, उनी भन्छन् । फुर्सदमा ट्राभल्सको काम पनि गर्दै आएका उनले ‘नेपाल कोरिया ट्राभल्स एण्ड टुर’ मार्फत् टिकेटिङको काम पनि गर्दै आएका छन् ।

बिदाको दिन या फुर्सदमा साथीहरुसँग घुम्न जाने, कार्यक्रमहरुमा सहभागी हुने मात्र होइन गीत गाउने नाच्ने जस्ता रमाइलो गर्न पनि त्यति नै मन पर्छ उनलाई ।

कोरियामा साहित्य, गीतसंगीतलगायतका विभिन्न सिर्जनशिल क्षेत्रमा लाग्ने नेपालीहरुप्रति गर्व गर्ने गुल्मेली बाबु यति गाह्रो कामको बावजूद पनि थोरै बचेको समयलाई सदुपयोग गरेर केही गर्ने सोच र लक्ष्यका साथ दिनरात नभनी परिश्रम गरिरहेका नेपालीहरुप्रति खुशी व्यक्त गर्छन् । त्यसैगरी कोरियामा रहेका थुप्रै नेपाली संघसंस्थाहरुले नेपालीहरुको जनहितकै लागि काम गर्दै आएका छन् तर संस्थालाई अलि सुनियोजित ढंगले पारदर्शी रुपमा अगाडि बढाउृन सके अझ राम्रो हुने र विश्वासयोग्य हुने उनको ठहर छ ।


आफ्नो प्रतिकृया दिनुहोस


सम्बन्धीत समाचारहरु:

भर्खरै...

फेसबुक

महिला / बालबालिका

दोलखाका नशा पीडित सर्मिलाको कोरियामा उपचार

काठमाण्डौ दोलखा भिमेश्वर नगरपालिकाका प्रमिला र छत्र मुग्राती आफ्नी जेठी छोरीको स्वास्थ्यका कारण क्रमश

Manju Gurung / November 11, 2016

प्रत्यक्ष गायनमा रमे गुल्मेली तिज

सुवन समस्त हिन्दु नारीहरुको महान चाड हरितालिका तीजको अवसर पारेर कोरियामा रहेका गुल्मेली हरुले भब्य रुपामा तीज क्रमश

Manju Gurung / September 6, 2016

कोरियामा विभिन्न कार्यक्रमका साथ तीज सम्पन्न

फोनिज कोरिया सम्वाददाता दक्षिण कोरिया, नेपाली दिदीबहिनीहरुले हरेक वर्ष मनाउदै आएको हरितालिका तीज यसपाली पनि क्रमश

Manju Gurung / September 5, 2016

लोकप्रिय

कोरिया समाचार

संयुक्त राष्ट्रसंघका पूर्व महासचिव वानकी मुन कोरिया फर्के संगै राष्ट्रपतिको इच्छा दोहोराए

फोनिज कोरिया संवादादता सउल संयुक्त राष्ट्रसंघका पूर्व महासचिव वानकी मुन विहिबार आफ्नो घर दक्षिण कोरिया क्रमश

Manju Gurung / January 12, 2017

सलनाल आउन दुई साता अघिदेखि नै अग्रिम बुकिइ०को लागि कोरियनहरु रतभर काउन्टरमा

फोनिज कोरिया संवाददाता सउल दक्षिण कोरियाका महान चाड सलनाल (नयाँ वर्ष) आउन १७ दिन बाँकी छ । तर अहिले देखि नै क्रमश

Manju Gurung / January 10, 2017

 भिडियोहरु

For Advertise:
 fonijcorea@gmail.com
लेख, रचना र समाचारका लागि:
 fonijcorea@gmail.com
About us
Fonij Korea (www.fonijkorea.net) is global’s number 1 news publishing More...
आजको कार्टुन
सर्वाधिकार © 2012 - 2017: Fonij Korea मा सार्बधिक सुरक्षित छ. | Advertise | Contact | About Designed by: Profile Nepal