कोरियामा च्यह तमु ल्होछार धुमधामले मनाईयो

सोल, तमु जातिको महान् साँस्कृतिक पर्व तमु ल्होछार कोरियामा रहेका तमु तथा गैर- तमुहरुले धुमधामले मनाएका छन । नेपालमा पन्ध्र पुसमा मनाईने गरे पनि विदेशमा तिथि नमिल्नाले यहाँका तमुहरुले गत आइतबार सोलमा भब्य कार्यक्रमको आयोजना गरी च्यह तमु ल्होछार मनाएको थियो ।
तमु धीँ कोरियाले हरेक वर्ष ल्होछारको अवसरमा कार्यक्रम आयोजना गर्दै आईरहेको छ । नेपाली दूतावास कोरियाका काउन्सेलर लेवर देवराज ढकालको प्रमुख अतिथिमा सम्पन्न कार्यक्रमको अध्यक्षता संस्थाका अध्यक्ष प्रदिप गुरुङले गरेका थिए । नेपाल आदिवासी जनजाती महासंघ कोरियाका अध्यक्ष चित्र मोक्तान विशेष अतिथि रहेको उक्त कार्यक्रममा अतिथिहरुमा याक्सा गुम्बाका देह सुनिम, जन योन्ह्वा हेजाङ्निम, एनसीसि, एनआरएन, विभिन्न जातीय तथा राजनैतिक संस्था र नेपाल पत्रकार महासंघ कोरियाका प्रतिनिधिहरु रहेका थिए ।
प्र ल्हो ( बाँदर वर्ग)को बिदाई र च्यह ल्हो ( चरा वर्ग) को स्वागत गर्दै मनाएको च्यह ल्होछारमा तमु जातिको मौलिक भेषभुषा, विविध सांस्कृतिक कार्यक्रम र झाँकीहरुको पनि प्रस्तुति रहेको कार्यक्रममा विशेष आकर्षणको रुपमा मारुनी छ्याली नृत्य र छ्याटु नाच रहेको थियो । उपस्थितिहरुको विशेष प्राथमिकतामा परेको मारुनी छ्याली नृत्य कोरियामा पहिलोपटक प्रस्तुत गरिएको सांस्कृतिक संयोजक सतिश गुरुङले जानकारी दिए ।  मारुनी नृत्य तमु जातीको लोपोन्मुख मौलिक संस्कृति भित्र पर्दछ ।
सोही अवसरमा धीँले विभिन्न क्षेत्रमा योगदान पुर्‍याएवापत विभिन्न ब्यक्तिहरुलाई दोसल्ला ओढाएर सम्मान गरेको थियो । केही समय अगाडी सोल महानगरपालिकाको सिफारिसमा मानार्थ कोरियन नागरिकता प्राप्त गर्न सफल र धीँको घर (सेल्टर) ब्यवस्थापनमा विशेष सहयोग गर्नुभएका धीँका सल्लाहकार भिम गुरुङलाई तमु जातिको संस्कृतिअनुसार फेटा लगाएर विशेष सम्मान गरेको थियो भने कोरियामा सफल नृत्यकारको रुपमा स्थापित धींका साँस्कृतिक संयोजक सतिश गुरुङलाई दोसल्ला ओढाएर सम्मान गरेको थियो ।
कार्यक्रमको अन्त्यमा कलाकारहरुलाई मायाको चिनो सहित सम्मान पनि गरेको थियो । कार्यक्रम सफल पार्न सहयोग गर्नुहुने सबैलाई तमू ल्होछार मूल आयोजक समितीका संयोजक जित तमुले धन्यवाद दिनुभयो । संस्थाका वरिष्ठ उपाध्यक्ष प्रितम गुरुङको स्वागत मन्तव्यबाट सुरु भएको ल्होछार कार्यक्रम औपचारिकतर्फ महासचिव श्रीराम गुरुङले र साँस्कृतिकतर्फ धन, लेसन, विशाल र हिमान्शु गुरुङले सञ्चालन गरेका थिए ।

आफ्नो प्रतिकृया दिनुहोस


सम्बन्धीत समाचारहरु:

भर्खरै...

फेसबुक

महिला / बालबालिका

कोरियामा १०७ औ अन्ताराष्ट्रिय नारी दिवस मनाइने

विश्वका नारीहरुका हक हित र अधिकार प्राप्तिका लागि मनाउदै आएको अन्तराष्ट्रिय नारी दिवस कोरियामा पनि भव्यताका क्रमश

Manju Gurung / March 6, 2017

दोलखाका नशा पीडित सर्मिलाको कोरियामा उपचार

काठमाण्डौ दोलखा भिमेश्वर नगरपालिकाका प्रमिला र छत्र मुग्राती आफ्नी जेठी छोरीको स्वास्थ्यका कारण क्रमश

Manju Gurung / November 11, 2016

प्रत्यक्ष गायनमा रमे गुल्मेली तिज

सुवन समस्त हिन्दु नारीहरुको महान चाड हरितालिका तीजको अवसर पारेर कोरियामा रहेका गुल्मेली हरुले भब्य रुपामा तीज क्रमश

Manju Gurung / September 6, 2016

लोकप्रिय

कोरिया समाचार

कोरियाका संवैधानिक अदालतबाट बरखास्त राष्ट्रपति पार्क गुनले आइतबार राष्ट्रपति भवन छाडे

फोनिज कोरिया संवाददाता सोल दक्षिण कोरियाको संवैधानिक अदालतले शुक्रबार बर्खास्त गरेका राष्ट्रपति पार्क गुन क्रमश

Manju Gurung / March 12, 2017

कोरियामा केसीटियुद्वारा मजदुरको न्युनतम ज्याला बृद्दीको माग गर्दै आन्दोलन शुरु

कोरियामा प्रत्येक बर्ष सरकारले न्युनतम ज्याला निर्धारण समिति मार्फत मजदुरहरुको न्युनतम ज्याला निर्धारण गर्ने क्रमश

Manju Gurung / February 14, 2017

 भिडियोहरु

For Advertise:
 fonijcorea@gmail.com
लेख, रचना र समाचारका लागि:
 fonijcorea@gmail.com
About us
Fonij Korea (www.fonijkorea.net) is global’s number 1 news publishing More...
आजको कार्टुन
सर्वाधिकार © 2012 - 2017: Fonij Korea मा सार्बधिक सुरक्षित छ. | Advertise | Contact | About Designed by: Profile Nepal