आपतकालित राहत कोष स्थापनार्थ चलचित्र “झुम्की” कोरिया आउने

नेपाली रजतपटका सफल अभिनेता दयाहाङ राई र अभिनेत्री नायिका रिस्मा गुरुङको प्रमुख भुमिका रहेको चलचित्र हो “ झुम्की “। थारु समुदाय र कम्लहरीको कथामा बनेको चलचित्र झुम्कीलाई अपिल बिष्टले निर्देशन गरेका हुन । सिनेमा आर्ट र अपिल विष्ट प्रोडक्सनको निमार्ण रहेको यहि सफल चलचित्र झुम्कीलाई तमु धीँ दक्षिण कोरियाले कोरियाबासी नेपालीहरुलाई उपहारस्वरुप अक्टोबर १६ तारिखमा सोलमा प्रदर्शन गर्न लागेका छन् । चलचित्र प्रदर्शनको सेरोफेरोमा रहेर फोनिज कोरियाको लागि धन गुरुङले तमु धीँका महासचिव श्रीराम गुरुङ्संग गरिएको कुराकानी ।

प्रश्न : तपाईंलाई फोनिज कोरियामा स्वागत छ ।

उत्तर  : धन्यवाद । फोनिज कोरिया मार्फत सबैलाई छ्याजलो, नमस्कार ।

प्रश्न : तमु धीँले झुम्की चलचित्र प्रदर्शन गर्दैछ तयारी कस्तो हुँदै छ ?

उत्तर  : झुम्की चलचित्रको प्रदर्शन तयारी तीव्र रुपमा भैरहेकोछ। पोष्टरिङ्ग, प्रचारप्रसार र टिकट बिक्री वितरण सुरु गरिसकेका छौँ । जातिय, क्षेत्रीय,धार्मिक,राजनीतिक,सामाजिकरुपमा कोरियामा क्रियाशिल सबै संघ संस्थाहरुलाई निमन्त्रणा दिई सकेका छौँ । यसका साथै कोरियामा रहनु भएका सम्पुर्ण नेपाली समुदायलाई सामाजिक उद्देश्यको लागि प्रदर्शन गर्न लागिएको झुम्की प्रदर्शनको कार्यक्रममा उपस्थित भै मनोरञ्जनका साथमा सफल पारिदिनु हुन पनि सार्वजनिक अपिल गरेका छौँ । समग्रमा तयारी अत्यन्त राम्रो रुपमा अगाडी बढीरहेको छ । फेरि पनि यो फोनिज मार्फत सार्वजनिक अपिल गर्दछौँ ।

प्रश्न  : चलचित्र प्रदर्शन गर्नुको मुख्य उद्देश्य के हो ?

उत्तर  :  यो चलचित्र प्रदर्शन गर्नुको खास उद्देश्य तमु धीँ दक्षिण कोरियाले समग्र नेपालीहरुको लागि यसअघि नै स्थापना गरेको आपतकालीन राहत कोष वृद्धि गर्नु हो। यसबाट आपतविपत तथा अपर्झट आइपर्ने समस्याहरुमा पीडित लाई थोरै भए पनि राहत दिलाउनु हो साथै नेपाली चलचित्रको अन्तर्राष्ट्रिय बजार प्रवर्द्धन एवं नेपाली कलासंस्कृतिको प्रचारप्रसार पनि हो । त्यस्तै अर्को महत्त्वपूर्ण पाटो भनेको स्वस्थ मनोरञ्जन पनि हो ।

प्रश्न :  नेपाली रजतपटका सफल नायक नायिकाको प्रमुख भुमिका रहेको चलचित्र झुम्कीको प्रदर्शनबाट कस्तो अपेक्षा गर्नुभएको छ ?

उत्तर  :  चलचित्रको नायक र नायिका दुवै नेपाली फिल्मी बजारमा स्थापित र आफुलाई अब्बल सावित गरेको कलाकार भएको हुँदा चलचित्रले स्वदेशमा गरेको सफल व्यापार र यहाँ हामीले गरेको प्रचारप्रसारले प्रदर्शनी सफल हुने विश्वास लिएका छौँ ।

प्रश्न : तमु धीँले यसअघि नेपाली चलचित्र  “छ एकान छ” लाई कोरियामा सफल प्रदर्शन गरीसकेको छ , त्यसैको निरन्तरता यो चलचित्रको प्रदर्शन हो ?

उत्तर  :  तमुधीँ दक्षिण कोरियाले आफ्नो सामाजिक साँस्कृतिक दायित्व पूरा गर्ने शिलशिलामा कम्तीमा पनि वर्षको एउटा आफ्नै मौलिक तमु चलचित्र र एउटा नेपाली चलचित्र प्रदर्शन गर्ने नीतिअनुसार हामीले विगतमा विभिन्न समयमा मौलिक भाषाभाषी र नेपाली चलचित्रहरु पनि प्रदर्शन गर्दै आइरहेका कुरा सर्वविदितै छ र अहिलेको यो झुम्की चलचित्र पनि यहाँले भनेजस्तै त्यसैको निरन्तरता हो। हाम्रो वार्षिक कार्ययोजना नीतिकै निरन्तरता हो ।

प्रश्न :  तमु धीँ सेल्टर पनि सञ्चालन गरीरहेको छ, कस्तो हुँदै छ ?

उत्तर  :  तमु धीँ दक्षिण कोरियाले विगत एक वर्षभन्दा अघिदेखि नै सेल्टर सञ्चालन गरिरहेको छ जुन सोलको यङ्दव स्टेशन नजिक रहेको छ। जोकोहि नेपालीलाई आपतविपतमा पर्दा, काम छोडेर बेरोजगार भएको अवस्थामा, बिरामी भएको अवस्थामा निशुल्क खाने बस्ने प्रवन्ध मिलाइएको छ ।अहिले सम्म धेरै जना नेपाली दाजुभाइ दिदिबहिनीहरुले सेवा लिई सक्नुभएको छ। उल्लेखित समस्या भएको नेपालीहरुले तमु धीँका पदाधिकारीहरुसंग सम्पर्क राखी सेवा लिन सक्नु हुनेछ।

प्रश्न :  अन्त्यमा केही भन्नूहुन्छ कि ?

उत्तर  :  तमु धीँ कोरिया सबैभन्दा जेठो जातिय संस्था हो। जातिय संस्था भएर पनि पुर्णरुपमा नेपाली समुदाय कै हितको लागि क्रियाशिल छ भन्ने कुराहरु हामीले विगतदेखि नै कोरियाका नेपाली समुदाय माझ गर्दै आएको हातेमालोबाट प्रष्ट हुन्छ। तमु धीँ दक्षिण कोरिया यस्तै सामाजिक गतिविधीहरु र उत्तरदायित्वमार्फत सम्पुर्ण नेपालीहरुलाई एक आपसमा जोडन चाहन्छ त्यसैले १६ अक्टोबरमा हुने झुम्की चलचित्रको शोमा सहभागी भैदिनु हुन सम्पुर्ण नेपाली समुदायमा फेरि पनि आग्रह गर्दछु। साथै नजिकै आइरहेको बडा दशैँ एवं शुभ दिपावली तथा छठ पर्वको सबैमा शुभकामना दिन चाहन्छु ।

poster

आफ्नो प्रतिकृया दिनुहोस


सम्बन्धीत समाचारहरु:

भर्खरै...

फेसबुक

महिला / बालबालिका

दोलखाका नशा पीडित सर्मिलाको कोरियामा उपचार

काठमाण्डौ दोलखा भिमेश्वर नगरपालिकाका प्रमिला र छत्र मुग्राती आफ्नी जेठी छोरीको स्वास्थ्यका कारण क्रमश

Manju Gurung / November 11, 2016

प्रत्यक्ष गायनमा रमे गुल्मेली तिज

सुवन समस्त हिन्दु नारीहरुको महान चाड हरितालिका तीजको अवसर पारेर कोरियामा रहेका गुल्मेली हरुले भब्य रुपामा तीज क्रमश

Manju Gurung / September 6, 2016

कोरियामा विभिन्न कार्यक्रमका साथ तीज सम्पन्न

फोनिज कोरिया सम्वाददाता दक्षिण कोरिया, नेपाली दिदीबहिनीहरुले हरेक वर्ष मनाउदै आएको हरितालिका तीज यसपाली पनि क्रमश

Manju Gurung / September 5, 2016

लोकप्रिय

कोरिया समाचार

कोरियामा केसीटियुद्वारा मजदुरको न्युनतम ज्याला बृद्दीको माग गर्दै आन्दोलन शुरु

कोरियामा प्रत्येक बर्ष सरकारले न्युनतम ज्याला निर्धारण समिति मार्फत मजदुरहरुको न्युनतम ज्याला निर्धारण गर्ने क्रमश

Manju Gurung / February 14, 2017

कोरियाको ६६ तल्लाको अपार्टमा आग्लागी , ४ जनाको मृत्यु

फोनिज कोरिया संवाददाता सोल दक्षिण कोरियाको दोइ०थान सिटी स्थित दोइ०थान मेथापोलिस अपार्टमा शनिबार विहान ११ क्रमश

Manju Gurung / February 4, 2017

 भिडियोहरु

For Advertise:
 fonijcorea@gmail.com
लेख, रचना र समाचारका लागि:
 fonijcorea@gmail.com
About us
Fonij Korea (www.fonijkorea.net) is global’s number 1 news publishing More...
आजको कार्टुन
सर्वाधिकार © 2012 - 2017: Fonij Korea मा सार्बधिक सुरक्षित छ. | Advertise | Contact | About Designed by: Profile Nepal