इपिएस भिषामा आउनेहरुको लागि सोचेको जस्तो छैन कोरिया


दक्षिण कोरिया एसियामा मात्र नभई विश्वमा विकशित नमुना देश हो । केही वर्ष अघिसम्म युद्धको मारमा परेर अत्यन्तै गरिबी मुलुक थियो । युद्धले गर्दा खानेकुरा केही थिएन । धेरै दुख र पिँडाहरु सहदै कतिपय कोरियनहरु काम गर्न अन्तै मुलुक गए र अहिले आएर यत्रो कम समयमा विकशित मुलुकका रुपमा चिनिएर एक ज्वलन्त उदाहरण बनेको छ । जसबाट नेपालीहरुले धेरै कुरा सिक्न सक्छन् । अहिले दक्षिण कोरिया विकाशको गतिमा भएको हुनाले र यहाँको जिडिपि दर पनि बढी भएको हुनाले संसारको प्राय जसो धेरै देशबाट मान्छेहरु आउँछन् र धेरै जसो यतै बस्न रुचाउँछन् । किनभने यहाँ युरोप, अमेरिका जस्तै हरेक चिजको सुख सुविधा छ । त्यहि भएर कोरियाको भिषा प्रणालीमा पनि अरु मुलुकको भन्दा अलि झन्झटिलो छ ।
हामी नेपालीहरुको कुरा गर्दा सन् २००७ बाट इपिएस सुरु हुनु अघि नै विभिन्न मेनपावरबाट काम गर्न कोरिया आएका भेटिन्छन् । र इपिएस लागू भएपछि धेरै नेपालीहरु कोरिया आएका छन् । विभिन्न भिषाको माध्यमबाट नेपाली मात्र नभई अन्य मुलुकका युवाहरु पनि कामको सिलसिलामा कोरिया भित्रिरहेका छन् । तर, लाखौं लाख कमाइ हुने कोरिया इपिएस भिषामा आउनेहरुको लागि भने सोचेको जस्तो छैन । नेपालमा हुँदा हामी सोच्छौं कि कमाइ लाख हुने भएपछि जस्तोसुकै काम पनि कसो गर्न नसकौंला र ? तर भन्न र गर्नमा धेरै फरक हुन्छ त्यो कोरिया आएर काम गरेपछि मात्र थाहा हुन्छ वास्तविकता के हो भनेर । हामी नेपालीहरुमा कडा काम गर्ने बानी नै छैन भन्दा पनि हुन्छ । सरकारी काम कहिले जाला घाम भनेर काममा आलटाल गर्दै समय बिताउने बानी परेको हामी नेपाली नेपालमा हुँदा कुनै फ्याक्ट्री कारखानामा खटेर काम गर्ने बानी नपरेर पनि होला कोरियामा काम गर्न हुने । त्यहि माथि एकहप्ता दिउँसो एक हप्ता रातको काम गर्नु पर्ने भएकोले पनि समयको तालमेल मिल्दैन । समय र अनुशासनमा हिड्नुपर्ने, काम ठग्न नपाइने, दिनको १२देखि १८ घण्टासम्म पनि एकोहोरो काममा जोतिनुपर्ने, त्यहिमाथि पालीपाली अर्थात् छिटोछिटो भन्ने कोरियनको दवाव, भाषाको समस्या, कोरियन जीवनशैली, सभ्यता, संस्कृति र खानपान नमिल्नु, रातदिन कोरियनको रुखो र गालीपूर्ण व्यवहार र कामबाट थाकेको शरीर त्यहिमाथि घरपरिवारबाट तनावले गर्दा धेरै जसो युवाहरु डिप्रेसनको शिकार बनेका हुन्छन् । कोरिया बसौं काम गर्न गाह्रो घर फकौं घरपरिवार, नातागोता, आफन्त र साथीभाईहरुले के भन्लान् भन्ने डर अनि अन्तिममा रोज्ने गर्छन् आत्महत्याको बाटो ।
आत्महत्या गर्नु नै समस्याको समाधान भने होइन । आफु त मरेर जान्छ बाँच्ने परिवारलाई जिन्दगीभरीको पिँडा । कुनै दुर्घटना वा केही भवितब्य परेर ज्यान गुमाउदा त के नै भन्न सकिन्छ र बल्लतल्ल पाएको मानव जिवनलाई जानीजानी आत्महत्या गर्नु ठुलो कायरता हो । आत्महत्या कायरतको पहिचान हो । बरु सक्नुहुन्न भने कोरिया छाडेर यहाँबाट युरोप(फ्रान्स, पोर्टुगल, पोल्याण्ड) पनि जान सकिन्छ । युरोप जान नसकेपनि आफ्नो देश फर्किनुस् । जिन्दगी संघर्ष हो उचारचढाव, दुख पिँडा बिनाको जिन्दगी के जिन्दगी । त्यसैले दुख कष्ठमा रमाउने प्रयास गर्नुुस् । बरु काम गर्न दुख गर्न सक्नुहुन्न आफ्नो देश फर्किनुस् । आफ्नो परिवारसँग बसेर हाँसी खुशी आनन्दको जिवन बिताउनुस् कसैको पर्वाह नगर्नुस् । तपाइलाई कसैले केही भन्दैन ।
कोरियामा कम्पनी अनुसार काम, दाम र सेवा सुविधाहरु पाइन्छन.। हुनत यहाँको सरकारले नै हरेक वर्ष ज्याला दर तोकि दिएको हुन्छ । तर पनि कुनै कुनै कम्पनीहरुले समयमा तलब नदिनु, कम्ती दिनु, प्रवासी मजदूरहरुलाई कोरियनलाई भन्दा कम्ती दिनु, मतभेद गर्नु, दुव्यवहार गर्नु यहाँको मुख्य समस्या हो त्यहि भएर कतिपय प्रवासी मजदूरहरु सहन नसकेर इलिगल पनि भइदिन्छन् र भको पनि छन् । तर सबै कम्पनी त्यस्तो छैन । राम्रा कम्पनी पनि छन् । खराब पनि छन् कस्तो कम्पनीमा परिन्छ कस्तो साहु पर्छ त्यो आफ्नो भाग्यको कुरा पनि हो ।
सबैभन्दा बढी समस्या कृषिमा देखिन्छ । कृषिमा काम गर्नेहरु कतिपय अति नै दुर्गम गाउँमा पुग्छन् । कामदारलाई विदाको सुविधा त्यति हुन्न । काम धेरै तलब कम, भिनिल हाउसभित्रको बसाइ, गर्मीमा पाकिदै जाडोमा कक्रिदै पनि काम गर्नुपर्छ । कतिपयले कहिलेकाँही शहर देख्न, साथीभाई भेट्न पनि पाउदैनन् । पहाडको फेदि, जंगलको बिचमा एकोहोरो काममा जोतिदाको पिँडा भोग्नेलाई मात्र थाहा हुन्छ । कृषिमा काम गर्नेको धेरै समस्या भएकै कारण कतिपय मुलुकहरुले कृषिमा काम गर्न आफ्ना नागरिकहरुलाई पठाउन नै बन्द गरेका छन् । तर नेपालले भने त्यही कृषि कोटा पनि अझ बढाउन पाए खुशी मान्छन् ।
इपिएसको नराम्रो पक्षलाई सुधार्नको लागि प्रवासी मजदूर संगठन(एमटियु) र केसिटियु मिलेर यस विरुद्ध निरन्तर आवाज उठाउदै आइरहेका छन् । र, हामीहरु पनि बसै प्रवासी मजदूरहरु मिलेर एक जुट भएर यसरी आवाज उठायो भने इपिएसको नराम्रो पक्षहरु सुधार गर्न सकिन्छ र इपिएसबाट डब्लूपिएस लागू गर्न सकिन्छ ।
अन्त्यमा तपाइहरु जो काम गर्न कोरिया आउदै हुनुहुन्छ सक्नुहुन्छ भने नेपालमा केही सिप सिकेर आउनुभए झन राम्रो नभए पनि शारीरिक र मानसिक रुपमा बलियो भएर आउनुहोस् । कोरियाको सुन्दरता टिभिमा हेरेर आहा भनेर त्यस्तै सपना बुनेर नआउनुस् । श्रम गर्न जाने हो जस्तोसुकै गाह्रो काम पनि गर्न सक्छु भन्ने मनस्थिति बनाएर आउनुस् । जे सुसै जस्तो सुकै काम पनि गर्न सक्छु भनेर आउनु भयो भने कोरिया बसाई राम्रो हुनेछ ।
भोजपूर
हाल, बुसान, दक्षिण कोरिया

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • कि.रा.या. कोरियाले किरात सिरिजङ्गा लिपि प्रशिक्षण कक्षा सञ्चालन गर्ने
  • वन र सेवा क्षेत्रमा पनि कोरियाले नेपाली श्रमिक ल्याउने
  • किम्हे बुसानमा “नमस्ते नेपाल होली इभेन्ट” हुने
  • सुम्निमा डान्स पार्टीको आयव्यय सार्वजनिक , ३ करोड २० लाख वन मुनाफा
  • ताजा अपडेट

    ईपिएस

    वन र सेवा क्षेत्रमा पनि कोरियाले नेपाली श्रमिक ल्याउने

    अनलाइन खबर दक्षिण कोरियाले यो वर्ष (सन् २०२४)देखि रोजगार अनुमति प्रणाली (ईपीएस)मार्फत थप ३ वटा क्षेत्रमा पनि नेपाली श्रमिक लिन थाल्ने भएको छ । कोरियाली सरकारले नेपालबाट वन क्षेत्र, सेवा क्षेत्र र रुट इन्डष्ट्री क्षेत्रमा पनि श्रमिक ल्याउने भएको हो । अहिले कृषि, ...

    एम टि यूको प्रतिनिधि सभा बैठक सम्पन्न, WPS को लागि संघर्ष गरिने

    प्रवासी श्रमिकहरुको अधिकारको निम्ति आवाज उठाउँदै आएको संस्था प्रवासी श्रमिक युनियन MTU दक्षिण कोरियाको प्रतिनिधि सभा बैठक २०२४ सम्पन्न भएको छ। सौल स्थित कोरियन प्रजातान्त्रिक श्रमिक महासंघ (केसिटियू) को हलमा सम्पन्न सभाले गतवर्षको गतिविधिहरुमाथि छलफल एवम ...

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...