स्व. पोम बहादुर गुरुङ प्रथम स्मृति भलिबल कपकाे उपाधि स्याङ्जा परिवारले जित्याे
“स्व. पोम बहादुर गुरुङ प्रथम स्मृति कप भलिवल प्रतियोगिता २०१७ काे उपाधि स्याङजा परिवारले उचालेकाे छ।
“प्रवासी भूमिमा एकता नै हाम्रो साहारा हो” भन्ने मूल नारासहित अन्नपूर्ण दुधपोखरी समाज दक्षिण कोरियाद्वारा आयोजित ” स्व. पोम बहादुर गुरुङ प्रथम स्मृति कप भलिवल प्रतियोगिता २०१७” को उपाधि स्याङ्जा परिवारले कब्जा जमाएको छ । बाग्लुंग सम्पर्क समिति दक्षिणकोरिया लाई हराउदै फाईनल सम्मको यात्रा तय गरेको स्याङ्जा परिवारले गुल्मी सम्पर्क समिति B लाई पराजित गरेको गुल्मी सम्पर्क समिति A सँग उपाधिको लागि फाइनलमा प्रतिष्पर्धा गरेको थियो ।
प्रथम स्थान प्राप्त गर्ने स्याङ्जा परिवार दक्षिण कोरियाले पुरस्कार नगद १३ लाख वन,कप र प्रमाणपत्र पाए भने दोस्रो हुने गुल्मी सम्पर्क समिति A ले पुरस्कार स्वरूप नगद ९ लाख वन र प्रमाणापत्र प्राप्त गरे। सान्त्वना स्थान प्राप्त गर्ने गुल्मी सम्पर्क समिति B पुरस्कार स्वरूप नगद ३ लाख ५० हजार वन रअर्काे असान्त्वना पुरस्कार प्राप्त गर्ने बाग्लुङ सम्पर्क समितिले नगद ३ लाख ५० हजार वन प्राप्त गरे। उत्कृष्ट खेलाडी : विक्रम कुँवर -राठोर (स्याङ्जा परिवार) लाइ छनाैट गरिएकाे थियाे।
१५ टीम सहभागी भएकाे भलिबल प्रतियाेगितामा खेलप्रेमी दर्शकहरूकाे बाग्लाे उपस्थिति रहेकाे थियाे।मैत्रीपूर्ण तथा सौहार्दपुर्ण वातावरणमा सफलता पुर्वक सम्पन्न गर्न सहयोग पुर्याउनु हुने सहभागी खेलाडीहरु, निर्णायक रेफ्रीहरू, खेलप्रेमी महानुभावहरु तथा प्रत्यक्ष अप्रत्यक्ष रुपमा प्रतियोगिता सम्पन्न गर्न सहयोग पुर्याउनु हुने सम्पूर्णमा अन्रपूर्ण दुध पाेखरी समाजका सचिब हिमान्सु गुरूङले हार्दिक धन्यवाद प्रदान गरेका छन् ।
३ अक्टुबरमा साेलकाे सङबक कुमिन ह्वेग्वान वल्गाेकमा प्रतियाेगिता सम्पन्न गरिएकाे थियाे।
