डी .आर.”अटु”को ‘प्यारा आऊ है फर्केर’ सार्वजनिक
चर्चित युवा संगीतकार डी .आर.”अटु”को शब्द र संगीत रहेको रहेको मेरो ‘प्यारा आऊ है फर्केर’ बोलको गीतको म्युजिक भिडियो सार्वजनिक भएको छ । गायिका सुनिता थेगिमको स्वर र राजु कार्कीको एरेन्जमा तयार हुँदै गरेको एल्बम ‘कथा’ भित्रको एउटा मनै छुने गीत हो ‘प्यारा आऊ है फर्केर’ । रमेश संग्रौलाको निर्देशनमा बनेको भिडियोमा मेरीबास्सै तथा खासखुस हाँस्य टेली सिरियलबाट बट्टारे कान्छा नामले चर्चित संदेश लामिछाने र चर्चित मोडेल सारिका केसीको अभिनय रहेको छ। अर्जुन सापकोटाले छायाँकन गर्नु भएको भिडियोलाई अनिल महर्जनले सम्पादन गर्नु भएको हो।
केहि समय पछि सार्वजनिक हुने एल्बम ‘कथा’मा ठेट लोक गीतहरु समेटिने गीतकार तथा संगीतकार ‘अटू’ले बताउनुभएको छ। कथा एल्बम भित्रका ४ वटा गीत हरु रेकर्डिङ भैसकेको र अब ३ वटा रेकर्डिङको क्रममा रहेको पनि ‘अटू’ले जानकारी गराउनु भएको छ। “कथा ” एल्बममा रहने गीतहरु मध्यको यो पहिलो भिडियो ‘प्यारा आऊ है फर्केर’ गीतमा परदेश आफ्ना प्यारालाई सँम्झदै घर फर्किन आग्रह गरेको मर्मस्पर्शी गीत समेटिएको छ । ‘एल्बमका हरेक गीतमा तपाईं हामीले आफ्नो जीवन भोगाइका आफ्नै कथा पाउनेछौ’ ‘अटू’को भनाई छ।
दिक्तेल बजार, जब साझ पर्दै गयो, काडाले घोच्ला बिस्तारै जाउ, झुम्के माया, क्यारुम त नि ,गुडि जाने रेल, चौबन्दी चोलीले, पत्थर झै रैछ तिम्रो मुटु, लगायतको दर्जनौं चर्चित गीतका संगीत सर्जक ‘अटू’हाल दक्षिण कोरियामा छन् । यद्यपी उनको संगीत सृर्जना भने निरन्तर अघि बढिरहेको छ। उनि कुशल बाँसुरी बादक समेत हुन्।
आफ्नो जादुमय स्वरका कारण गायिका सुनिता थेगिम यतिबेलाकि एक चर्चित र ब्यस्त गायिका मध्यकि हुन् । सेन्टिमेन्टल गीतमा बिशेष चर्चा बटुल्न सफल मोडेल सारिका केसी द्वारा अभिनित ‘मर्ने मिति’ बोलको गीत सर्वाधिक चर्चित बनेको छ।
भिडियो हेर्नुहोस ।
