सौल, नेपाल उधोग परिसंघ (सिएनआई)का अध्यक्ष हरिभक्त शर्मा सहितको टोली कोरिया आउने भएको छ। अगष्ट २३ तारिख कोरिया आउन लागेको अध्यक्ष शर्मा सहितको टोलीले कोरियाली उधोगी र कोरियाली उच्च सरकारी अधिकारीहरूसंग नेपालमा लगानी र प्रविधी भित्राउने बिषयमा छलफल गर्ने बताईएको छ।
नेपालकै ठुलो औँषधी उधोग जनता औँषधी उधोगका मालिक समेत रहेका शर्मा सहितको टोलीले नेपाली समुदायसंग नेपालमा लगानी गर्ने बिषयमा पनि छलफल गर्ने भएका छन् । एन आर एन कोरियाको आयोजनामा स्वागत तथा अन्तरक्रिया हुने भएको छ।
दोंदेमुन स्थित नेपाल हाउसमा अगष्ट २३ तारिख साझ ६:३० बजे हुने कार्यक्रममा यहाँ रहेका नेपाली व्यापारी,विद्यार्थी लगायत बिभिन्न पेशामा आवद्द नेपालीहरूसंग छलफल गर्ने छन् । एन आर एन कोरियाले यहाँ रहेका नेपाली संघ संस्थाका प्रतिनिधी लगायत सबैलाई कार्यक्रममा उपस्थितीको लागी अपिल गरेको छ।
पछिल्लो समय नेपालमा राजनितिक संक्रमणकालको अन्त्य हुन लागेको संकेत पाएपछि नेपाली उधोगीहरू उत्साहित भएका छन् । उनिहरूले नेपालको पुरानै प्रविधीले मात्र ओधोगिक बिकास असम्भव देखिको भन्दै विदेशका प्रविधी र ज्ञान भित्राउन जरूरी रहेको बताउँदै आएका छन्। ओधोगिक रूपमा दक्षिण कोरियाले दुर्त गतिमा फड्को मारेकोले नेपाली उधोगीहरू कोरियाली प्रविधीप्रति आकर्षित देखिएको सिएनआईका उपाध्यक्ष कृष्ण अधिकारीले बताएका छन् । उनले आफुहरू कोरियाली लगानी र प्रविधी मात्र नभएर कोरियामा रहेका नेपालीहरूको ज्ञान र सिपलाई पनि सदुपयोग गर्न आतुर रहेको बताए।