नेपकोरले मास्क डान्स पार्टीको आयोजना गर्ने
नेपकोरले कोरियन नयाँ वर्ष सलनालको अवसर पारेर जनवरी २८ तारिख मास्क डान्स पार्टीको आयोजना गर्ने भएको छ । नेपकोरले कोरियाको दोङ्देमूनमा आयोजना गरेको बृहत् मास्क पार्टीमा चर्चित नेपाली मुलका बेलायती डिजे एल “L” आउने पक्का भएको छ । पार्टीसो पृथक र युरोपियन शैलीको मास्क डान्स पार्टीमा नेपालीलाई थप मनोरञ्जन र संगितमय बनाउन डिजे एललाई आयोजक नेपकोरले आमन्त्रण गरेको हो ।
सात वर्ष अष्ट्रेलियामा बसेर त्यहाँ रहेका नेपालीलाई सांगेतिक मनोरञ्जन दिएर चर्चित बनेका डिजे एल अहिले बेलायतमा पनि सांगेतिक कार्यक्रममा आफ्नो प्रस्तुति दिदै आएका छन् । उनले बेलायतमा पनि विभिन्न अवसरमा नेपालीले आयोजना गर्ने पार्टी र सांगेतिक कार्यक्रममा सांगेतिक मनोरञ्जन दिदै आएका छन् । बेलायत सहित युरोपमा रहेका नेपाली माझ चिनिएका डिजे एलको कोरियामा पनि धेरै नेपाली प्रशंसक रहेका छन् ।
डिजे एलको कोरिया आउन चाहिने भिषा लगायतका प्रक्रिया पुरा भएको जानकारी आयोजकले दिएको छ । डिजे एल आउने निश्चित भएपछि पार्टीको तयारी जुटेको आयोजकले जनाएको छ । डिजे एलले कोरियामा रहेका नेपालीको मन जित्ने आशा पनि आयोजकको छ । नेपकोरले यस अघि ट्यान्क टप डान्स पार्टी आयोजना गरेको दोङ्देमूनको हिस्ट्री एण्ड कल्चरल पार्क नजिकैको न्यु छान्जी होटलमा मास्क पार्टी गर्ने भएको छ ।
यसैबीच नेपकोरले सोहि दिन दिउसो दोङ्देमून आसपासमा सरसफाई कार्यक्रम पनि आयोजना गरेको छ । त्यसैगरी आयोजकले पार्टीमा आउने महिला तथा लेडिजलाई फ्रिमा मास्क दिने भएको छ ।मास्क गर्ल्सले मात्र लगाउने भएकोले उनिहरुलाई फ्री गरिएको आयोजकले जनाएको छ
